amis logo [ຂໍ້ມູນທົດລອງ] ລະບົບ ຂໍ້ມູນຂ່າວສານຕະຫຼາດກະສິກໍາ ຢູ່ ສປປ ລາວ

ວິທີປູກ ແລະ ເກັບຮັກສາຜັກທຽມໄວ້ໃຊ້ຍາວນານ

ວັນທີ 17/05/2022


ກະ­ທຽມ​ແມ່ນ​ຈັດ​ຢູ່​ໃນ​ຕະກູນ​ດຽວ​ກັບ​ຫົວ​ຫອມ​ໃຫ່​ຍ, ໂດຍ​ທົ່ວ​ໄປ​ກະ­ທຽມ​ຈະ​ສ້າງກີບ​ຫລາຍໆ​ກີບ ແລະ ຖືກ​ຫໍ່​ຫຸ້ມ​ຮ່ວມ​ກັນ​ຢູ່​ໃນ​ເປືອກເຊິ່ງ​ມີ​ລັກ­ສະ­ນະ​ບາງ ສີ­ຂາວ ຫລື ສີ​ບົວ ຫຸ້ມ​ໃຫ້​ເປັນ​ຫົວ​ດຽວ, ສຳລັບ​ໃບເປັນ​ໃບ​ລ້ຽງ​ດ່ຽວ, ແບນສາ­ມາດ​ອອກ­ດອກ ແລະ ໃຫ້​ແກ່ນ​ໄດ້, ນິ­ຍົມ​ຂະ­ຫຍາຍ​ພັນ​ດ້ວຍ​ກີບ, ເພາະ​ກີບ​ຈະ​ໃຫ້​ຜົນ​ດີ​ກວ່າ, ກະ­ທຽມ​ຈະ​ມີ​ຄຸນ­ຄ່າ​ທາງ​ອາ­ຫານ​ຕ່ຳ​ເມື່ອ​ປຽບ­ທຽບ​ກັບ​ພືດ​ຜັກ​ຊະ­ນິດ​ອື່ນໆ, ແຕ່​ອາຫານ​ບາງ​ຊະ­ນິດ​ຈະ​ຫມົດ​ລົດ​ຊາດຖ້າ​ຫາກ​ຂາດ​ກະ­ທຽມ. ໂດຍ​ສະ­ເພາະ​ຜູ້​ທີ່​ນິ­ຍົມ​ລົດ ແລະ ກິ່ນ​ຂອງ​ກະ­ທຽມນອກ­ຈາກ​ນີ້ຍັງ​ໃຊ້​ເປັນ​ຢາ​ຮັກ­ສາ​ບາດ­ແຜ, ຫລອດ­ລົມອັກ­ເສບ, ໄອ, ທ້ອງ​ອຶດ, ທ້ອງ​ເຝີ້, ອາ­ຫານ​ບໍ່​ຍ່ອຍ, ໂລກ​ຜິວ­ຫນັງ​ບາງ​ປະ­ເພດ ແລະ ຄວາມ­ດັນ­ເລືອດ­ສູງ.
      ກະ­ທຽມເປັນ​ພືດ​ຜັກ​ປະ­ເພດ​ເນື້ອ​ອ່ອນ​ຂະ­ຫນາດ​ນ້ອຍ, ມີ​ອາ­ຍຸ​ປະ­ມານ 75-80 ວັນ, ປົກ­ກະ­ຕິ​ຈະ­ເລີນ​ເຕີບ​ໂຕ​ໄດ້​ດີ​ໃນ​ອາ­ກາດ​ເຢັນ​ອຸນ­ຫະ­ພູມ​ທີ່​ເຫມາະ​ສົມ​ຢູ່​ລະ­ຫວ່າງ 12-Œ22 ອົງ­ສາ​ເຊ, ສາ­ມາດ​ຮັບ​ແສງ​ແດດ​ໄດ້​ປະ­ມານ 9-Œ11 ຊົ່ວ­ໂມງ​ຕໍ່​ວັນ, ມີ​ໄລ­ຍະ​ການ​ພັກ​ຕົວ​ຄື​ກັນ​ກັບ​ພືດ​ຕະ­ກຸນ​ຫອມ​ອື່ນ​ທົ່ວໆ​ໄປ​ປະ­ມານ 5-Œ6 ເດືອນ, ຖ້າ​ຫາກ​ເກັບ​ຮັກ­ສາ​ດົນ​ກວ່າ​ນີ້ຈະ​ເຮັດ​ໃຫ້​ກະ­ທຽມ​ເລີ່ມ​ງອກໂດຍ​ໃນ​ປີ​ທຳ​ອິດ​ກະ­ທຽມ​ຈະ​ຝໍ່​ເສຍ​ຫາຍ​ປະ­ມານ 60Œ-70%.



  ການ​ກະ­ກຽມ​ດິນ​ປູກຜັກ​ກະ­ທຽມ: ດິນ​ທີ່​ເຫມາະ ສຳ­ລັບ​ການ​ປູກ​ຜັກ​ກະ­ທຽມຄວນ​ເປັນ​ດິນ​ຜຸ​ຜຸ່ຍ, ລະ­ບາຍ​ນ້ຳ​ໄດ້​ດີຖ້າ​ຫາກ​ດິນ​ເປັນ​ກົດ​ຫລາຍ​ຈະ​ເຮັດ​ໃຫ້​ຜັກ​ກະ­ທຽມ​ບໍ່​ໃຫຍ່, ຄວນ​ຈະ​ໃສ່​ປູນ​ຂາວ​ກ່ອນຈິ່ງ​ຄ່ອຍ​ປູກ​ຢ່າງ​ຫນ້ອຍ 15 ວັນ, ເພື່ອ​ປັບ​ດິນ​ໃຫ້​ເປັນ​ກົດ​ອ່ອນໆ (pH 5,5Œ6,8), ກ່ອນ​ໄຖ​ຄວນ​ຫວ່ານ​ຝຸ່ນ​ຄອກ​ກ່ອນ​ປະ­ມານ 4 ໂຕນ​ຕໍ່​ໄລ່, ຖ້າ​ເປັນ​ດິນ​ຫນຽວ​ຄວນ​ໃຊ້​ໄຖ​ບຸກ­ເບີກ​ກ່ອນ​ພວນ, ຖ້າ​ເປັນ​ດິນ​ລ້ວນພວນ​ຢ່າງ​ດຽວ​ກໍ່​ໄດ້ ແລະ ຍົກ​ຫນານ​ເພື່ອ​ການ​ໃຫ້​ນ້ຳ ແລະ ລະ­ບາຍ​ນ້ຳ​ໄດ້​ດີ, ແຕ່​ຖ້າ​ຈະ​ໃຫ້​ຜັກ​ກະ­ທຽມ​ເປັນ​ຫົວ​ດີ ແລະ ຄວນ​ກຽມ​ຫນານ​ປູກ​ຂະ­ຫນາດ​ກວ້າງ1Œ2,5 ແມັດ, ຄວາມ​ຍາວ​ຕາມ​ພຶ້ນ​ທີ່​ປູກ​ໄລ­ຍະ​ຫ່າງ​ລະ­ຫວ່າງ​ຫນານ (ທາງ​ຍ່າງ ຫລື ຮ່ອງ­ນ້ຳ) ກວ້າງ​ປະ­ມານ 50 ຊັງ​ຕີ​ແມັດ.



ການ​ປູກ​ກະ­ທຽມ: ໂດຍ​ໃຊ້​ກີບເຊິ່ງ​ປະ­ກອບ​ເປັນ​ຫົວ, ນິ­ຍົມ​ໃຊ້​ກີບ​ນອກ​ປູກເນື່ອງ​ຈາກ​ກີບ​ນອກ​ມີ​ຂະ­ຫນາດ​ໃຫຍ່ ຈະ​ເຮັດ​ໃຫ້​ກະ­ທຽມ​ທີ່​ມີ​ຫົວ​ໃຫຍ່ ແລະ​ ໃຫ້​ຜົນ​ຜະ­ລິດ​ສູງ, ການ​ນຳ​ເອົາ​ຜັກ​ກະ­ທຽມ​ໄປ​ປູກ​ໃນ​ລະ­ດູ­ຝົນ​ຈະ​ເຮັດ​ໃຫ້​ກະທຽມ​ອອກ​ບໍ່​ພ້ອມ​ກັນ ແລະ ໃຫຍ່​ບໍ່​ພ້ອມ​ກັນ​ຂະຫນາດ​ຂອງ​ກີບ​ຈະ​ມີ​ອິດ​ທິພົນ ຫລື ຄວາມ​ສຳ­ຄັນ​ຕໍ່​ການ​ເປັນ​ຫົວ​ຂອງ​ຜັກ­ທຽມຈາກ​ການ​ສຶກ​ສາ​ພົບ​ວ່າ​ພັນ​ທີ່​ມີ​ກີບ​ໃຫຍ່, ຖ້າ​ຫາກ​ໃຊ້​ກີບ​ຂະ­ຫນາດ​ກາງ​ມາ​ປູກ​ຈະ​ເຮັດ​ໃຫ້​ຜົນ​ຜະ­ລິດ​ສູງ, ພັນ​ທີ່​ມີ​ກີບ​ຂະ­ຫນາດ​ນ້ອຍຖ້າ​ໃຊ້​ກີບ​ໃຫຍ່​ທີ່​ສຸດ​ມາ​ປູກ​ຈະ​ໃຫ້​ຜົນ​ຜະ­ລິດ​ສູງ, ປົກ­ກະ­ຕິ​ກີບ​ທີ່​ມີ​ນ້ຳ­ຫນັກ 2 ກຣາມ​ຈະ​ໃຫ້​ຜົນ​ຜະ­ລິດ​ສູງ. ການ​ປູກ​ຜັກ­ທຽມອາດ​ໃຫ້​ນ້ຳ​ກ່ອນ ແລະ ໃຊ້​ກີບ​ກະ­ທຽມ​ປັກ​ລົງ​ໄປໂດຍ​ເອົາ​ສ່ວນ​ຮາກ​ລົງ​ເລິກ​ປະມານ 2 ໃນ 3 ສ່ວນ​ຂອງ​ກີບ, ປູກ​ເປັນ​ແຖວ​ຕາມ​ໄລ­ຍະ​ປູກ​ທີ່​ກຳ­ນົດ​ໃນ​ພຶ້ນ​ທີ່ 1 ໄລ່​ຕ້ອງ​ໃຊ້​ແນວ​ພັນ 100 ກິ​ໂລກ​ຣາມ ຫລື ກີບ 75-Œ80 ກິ​ໂລກ​ຣາມ, ໂດຍ​ໃຊ້​ໄລ­ຍະ​ການ​ປູກ 10x10-15 ຊັງ​ຕີ​ແມັດ. ຈະ​ໃຫ້​ຜົນ​ຜະ­ລິດ​ສູງ​ທີ່​ສຸດສຳ­ລັບ​ຜັກ​ກະ­ທຽມ​ຈີນ, ໃຊ້​ໄລ­ຍະ​ການ​ປູກ 12Œ-12 ຊັງ​ຕີ​ແມັດ ແລະ ແນວ​ພັນ 300Œ-350 ກິ​ໂລກ​ຣາມ​ຕໍ່​ໄລ່. ຫລັງ​ປູກ​ຈະ​ໃຊ້​ເຟືອງ​ປົກ​ຫນານ​ເພື່ອ​ຄວບ​ຄຸມ​ວັດ​ສະ​ພືດ​ທີ່​ຈະ​ເກີດ​ຂຶ້ນ​ໃນ​ໄລ­ຍະ​ທຳ​ອິດ, ເຟືອງ​ຈະ​ຊ່ວຍ​ເກັບ​ຄວາມ​ຊຸ່ມ​ຂອງ​ດິນ ແລະ ຫລຸດ​ຄວາມ​ຮ້ອນ​ເວ­ລາ​ກາງ­ເວັນ.



ການ​ໃຫ້​ນ້ຳ​ຜັກ​ກະ­ທຽມ: ຄວນ​ໃຫ້​ນ້ຳ​ກ່ອນ ແລະ ຫລັງ​ປູກກະ­ທຽມ​ຄວນ​ໄດ້​ຮັບ​ນ້ຳ​ຢ່າງ​ພຽງ­ພໍ ແລະ ສະ​ຫມ່ຳ​ສະເຫມີ ໃນ​ໄລ­ຍະ​ລະ­ຫວ່າງ​ການ​ຈະ­ເລີນ​ເຕີບ​ໂຕ 7-Œ10 ວັນ​ຕໍ່​ຄັ້ງ. ສະ­ຫລຸບ​ແລ້ວ​ຈະ​ໃຫ້​ນ້ຳ​ປະມານ10 ຄັ້ງ​ຕໍ່​ລະ­ດູ​ການຄວນ​ງົດ​ການ​ໃຫ້​ນ້ຳ​ເມື່ອ​ກະ­ທຽມ​ແກ່ກ່ອນ​ເກັບ​ກ່ຽວ 2-Œ3 ອາ­ທິດ.



ການ​ເກັບ​ກ່ຽວ: ລັກ­ສະ­ນະ​ການ​ແກ່​ຂອງ​ກະ­ທຽມ​ສາ­ມາດ​ສັງ­ເກດ​ໄດ້​ຄື ມີ​ຕຸ່ມ ຫລື ຫົວ​ຂະ­ຫນາດ​ນ້ອຍໆ​ເກີດ​ຂຶ້ນ​ທີ່​ລຳ­ຕົ້ນ​ຂອງ​ກະ­ທຽມ​ເລີ່ມ​ແຕ່​ຫນຶ່ງ​ຕຸ່ມ​ຂຶ້ນ​ໄປ, ມີ​ສ່ວນ​ຍອດ​ໃຫຍ່​ຂຶ້ນ​ມາ​ອີກ ແລະ ກຳ­ລັງ​ມີ​ຕົ້ນ​ດອກ​ຊູ​ຂຶ້ນ​ມາ, ສຳ­ລັບ​ໃບ​ກະ­ທຽມ​ເລີ່ມ​ແຫ້ງ​ຕັ້ງ­ແຕ່​ປາຍ​ໃບ​ລົງ​ມາ​ຫລາຍ​ກວ່າ 30%, ໃບ ຫລື ຕົ້ນ ກະ­ທຽມ​ເອນ​ຫັກ​ລົ້ມ​ນອນ​ໄປ​ກັບ​ພຶ້ນ​ດິນ 25% ຂຶ້ນ​ໄປ ແລະ ດອກ ຫລື ລຳ­ຕົ້ນ​ເມື່ອ​ບີບ​ເບິ່ງ​ຈະ​ຮູ້­ສຶກ​ອ່ອນ​ນຸ່ມ. ຖ້າ​ພົບ​ລັກ­ສະ­ນະ​ດັ່ງກ່າວ​ໃຫ້​ເລີ່ມ​ຖອນ​ກະທຽມ​ໄດ້​ເຊິ່ງ​ຈະ​ມີ​ອາ­ຍຸ​ການ​ເກັບ​ກ່ຽວ​ປະ­ມານ100Œ-120 ວັນ, ຫລັງ​ປູກ ຫລື ເມື່ອ​ຮອດ​ເວ­ລາ​ເກັບ​ກ່ຽວ​ໃບ​ຈະ​ແຫ້ງ​ຖ້າ​ເກັບ​ກ່ຽວ​ຊ້າ​ເກີນ​ໄປ​ຈະ​ເຮັດ​ໃຫ້​ກີບ​ຫລົ່ນ​ໄດ້​ງ່າຍ ແລະ ໄດ້​ກະ­ທຽມ​ທີ່​ຄຸນ​ນະພາບ​ບໍ່​ດີ.



ວິ­ທີ​ເກັບ​ກ່ຽວ: ຖອນ ແລະ ຕາກ­ແດດ​ໃນ​ຫນານ​ປະ­ມານ 2Œ-3 ຊົ່ວ­ໂມງ ໂດຍ​ວາງ​ສະ​ລັບ​ກັນ​ໃຫ້​ໃບ​ປົກ​ຫົວ​ເພື່ອ​ປ້ອງ​ກັນ​ບໍ່​ໃຫ້​ຖືກ​ແສງ​ແດດ​ໂດຍ​ກົງ, ຕາກ​ໄວ້ 2Œ-3 ວັນ, ລະ­ວັງ​ຢ່າ​ໃຫ້​ຖືກ​ຝົນ ແລະ ນ້ຳ­ຫມອກ​ແຮງ​ໃນ​ເວ­ລາ​ກາງຄືນ, ນຳ​ມາ​ຕາກ​ລົມ​ໃນ​ທີ່​ຮົ່ມປະ­ມານ 5Œ-7 ວັນ,ໃຫ້​ຫົວ ແລະ ໃບ​ແຫ້ງ​ດີຫລັງ​ຈາກ​ນັ້ນ​ນຳ​ມາ​ຄັດ​ເອົາ​ຂະ­ຫນາດ ແລະ ມັດ​ເປັນ​ຈຸກ​ຕາມ​ຄວາມ​ຕ້ອງ­ການ.



ການ​ເກັບ​ຮັກ­ສາ​ກະ­ທຽມ: ກະ­ທຽມ​ທີ່​ມັດ​ຈຸກ​ໄວ້​ແລ້ວ​ນຳ­ໄປ​ແຂວນ​ໄວ້​ໃນ​ເຮືອນ​ທີ່​ເປີດ​ຝາ​ທັ້ງ 4 ດ້ານ ຫລື ກ້ອງ​ຕາ​ລ່າງ  (ຖ້າ​ເປັນ​ເຮືອນ­ຮ້ານ) ທີ່​ມີ​ການ​ຖ່າຍ​ເທ​ອາ­ກາດ​ໄດ້​ດີ, ບໍ່​ຖືກ​ຝົນ ຫລື ນ້ຳ­ຫມອກ​ລວມ​ທັງ​ແສງ​ແດດ​ປະ­ມານ 3-Œ4 ອາ­ທິດຈະ​ເຮັດ​ໃຫ້​ກະ­ທຽມ​ແຫ້ງ​ດີ, ຄຸນ​ນະ​ພາບ​ສູງຈຶ່ງ​ນຳ​ລົງ​ມາ​ກອງ​ລວມ​ກັນ​ເພື່ອ​ເກັບ​ຮັກ­ສາ ຫລື ຂາຍ​ອອກ, ກະ­ທຽມຫລັງ​ຈາກ​ເກັບ 5-Œ6 ເດືອນ ຈະ​ເຮັດ​ນ້ຳ­ຫນັກ​ຫລຸດ​ລົງປະ­ມານ 30%, ຖ້າ​ຫາກ​ເກັບຂ້າມ​ປີ​ຈະ​ມີ​ສ່ວນ​ເຮັດ​ໃຫ້​ນ້ຳຫນັກ​ຫລຸດ​ລົງ 60Œ-70%.